हैदराबाद: तेलंगाना विकास समिति के अध्यक्ष देशपति श्रीनिवास की अध्यक्षता में ‘संकट में भारतीय अर्थव्यवस्था – कारण और प्रभाव’ विषय पर हुई बैठक में प्रोफेसर नागेश्वर ने मुख्य वक्ता के रूप में संबोधित किया। उन्होंने कहा कि आज भी देश में 4 करोड़ बेरोजगार हैं और 22 करोड़ लोग प्रतिदिन 375 रुपये से कम पर गुजारा कर रहे हैं। यह सब मोदी सरकार की विफलता का जीता जागता उदाहरण है। नागेश्वर ने बताया कि ऐसे कहने पर मुझे अर्बन नक्सली, देशद्रोही, पाकिस्तानी एजेंट कहा गया और अंत में उन्हें हिंदू विरोधी करार देने की भी कोशिश की गई। तेलंगाना में हूं इसीलिए मेरे खिलाफ देशद्रोह का मुकदमा दायर नहीं किया गया।
Hyderabad: మోదీ విధానాలపై ఎవరైనా ప్రశ్నిస్తే రాజద్రోహం కేసులు పెడుతున్నారని, వారు జీవితాంతం జైల్లో మగ్గేలా చేస్తున్నారని ఆర్థిక, రాజకీయరంగ విశ్లేషకుడు, ప్రొఫెసర్‌ కే నాగేశ్వర్‌ విమర్శించారు. తెలంగాణలో లేకుంటే తనపైనా కేసు పెట్టేవాళ్లేమోనని ఆయన సందేహం వ్యక్తంచేశారు. సామాన్యులపై పన్నులు వేస్తూ.. కార్పొరేట్‌ దోస్తులకు దోచి పెట్టడమే మోదీ విధానమని ఆయన విమర్శించారు. ఆదివారం హైదరాబాద్‌ నాంపల్లిలోని తెలుగు యూనివర్సిటీ ఆడిటోరియంలో తెలంగాణ వికాస సమితి ఆధ్వర్యంలో దేశ పరిస్థితులపై సామాజిక సదస్సు జరిగింది.
తెలంగాణ వికాస సమితి అధ్యక్షుడు దేశపతి శ్రీనివాస్‌ అధక్షతన జరిగిన ఈ సమావేశంలో ‘సంక్షోభంలో భారత ఆర్థిక వ్యవస్థ -కారణాలు, ప్రభావాలు’ అనే అంశంపై ప్రొఫెసర్‌ నాగేశ్వర్‌ మాట్లాడారు. దేశంలో నేటికీ 4 కోట్ల మంది నిరుద్యోగులు ఉన్నారని, 22 కోట్లమంది రోజుకు రూ.375 రూపాయల కంటే తక్కువ సంపాదనతో బతుకీడుస్తున్నారని.. ఇవన్నీ మోదీ పాలనకు నిదర్శనమని అన్నారు. ఇవన్నీ చెప్తే తనను అర్బన్‌ నక్సలైట్‌, చైనీశ్వర్‌, యాంటీ నేషనల్‌, పాకిస్థానీ ఏజెంట్‌ అన్నారని, చివరికి యాంటీ హిందూ అని కూడా ముద్రవేసే ప్రయత్నం చేశారని నాగేశ్వర్‌ పేర్కొన్నారు. ఆర్‌ఎస్‌ఎస్‌ ప్రధాన కార్యదర్శి దత్తాత్రేయ హోసబలే కూడా ఇవన్నీ బహిరంగంగానే చెప్పారని, మరి అయనను ఏమంటారని ఆయన ప్రశ్నించారు. మోదీ 2014 నాటి ఆర్థిక విధానాలను అవలంబిస్తే.. కార్పొరేట్లను కాదనుకుంటే, ఇప్పుడైనా పెట్రోల్‌, డీజిల్‌ ధరలపై లీటరుకు రూ.30 చొప్పున తగ్గించొచ్చని ఆయన వివరించారు.
రాజ్యాంగానికి మతం రంగు పులిమే కుట్ర : ఘంటా చక్రపాణి
బీజేపీ మత రాజకీయాలతో ప్రజల్లో చిచ్పుపెట్టి పాలిస్తున్నదని, సర్వమత గ్రంథమైన రాజ్యాంగానికి సైతం మతం రంగు పులుముతున్నదని ప్రొఫెసర్‌ ఘంటా చక్రపాణి ఆందోళన వ్యక్తంచేశారు. ఢిల్లీ మసీదులో రాజ్యాంగ పీఠిక చదివినందుకు కేసు నమోదు చేశారని, దీనిపై సాక్షాత్తు సుప్రీంకోర్టే విస్మయం వ్యక్తంచేసిందని ఆయన గుర్తుచేశారు. ఎమ్మెల్యేలను బీజేపీ పశువుల కన్నా హీనంగా కొనేస్తున్నారని ఘాటుగా విమర్శించారు. దేశపతి శ్రీనివాస్‌ మాట్లాడుతూ.. తెలంగాణ వికాసం కోసం అనునిత్యం పనిచేస్తూనే ఉంటామన్నారు. రాజ్యాంగ, ప్రజాస్వామ్య విలువలు ప్రతి సబ్జెక్టులో ఒక పాఠంగా చేర్చాలంటూ వేణుగోపాలస్వామి ప్రవేశపెట్టిన తీర్మానానికి అందరూ మద్దతు తెలిపారు. సమావేశంలో తెలంగాణ వికాస సమితి కార్యదర్శి ఎర్రోజు శ్రీనివాస్‌, కోకన్వీనర్‌ నరసింహారెడ్డి, బేవరేజెస్‌ కార్పొరేషన్‌ మాజీ చైర్మన్‌ దేవీప్రసాద్‌ తదితరులు పాల్గొన్నారు.
పెద్దనోట్ల రద్దుతో బ్లాక్‌మనీ తెచ్చారా?
బ్రిటన్‌ను వెనక్కి నెట్టి భారత్‌ ఐదో ఆర్థిక శక్తిగా ఎదిగిందని కేంద్ర ఆర్థిక మంత్రి నిర్మలా సీతారామన్‌ సగర్వంగా చెప్తున్నారని.. కానీ తలసరి ఆదాయం బ్రిటన్‌లో ఇప్పటికీ 45,000 డాలర్లకు పైగానే ఉంటే, భారత్‌లో కేవలం రూ.2 వేల డాలర్లేనని ప్రొఫెసర్‌ నాగేశ్వర్‌ గుర్తుచేశారు. పెద్దనోట్ల రద్దుతో బ్లాక్‌ మనీని వెనక్కి తీసుకొస్తామని ప్రకటించిన మోదీ.. ఇంతవరకు ఎన్ని లక్షల కోట్లు వెనక్కి తెచ్చారో చెప్పాలని డిమాండ్‌ చేశారు. కేవలం.. కార్పొరేట్‌ సంస్థల దగ్గరున్న బ్లాక్‌ మనీని వైట్‌ చేసేందుకే పెద్దనోట్లను రద్దు చేశారని ఆయన విమర్శించారు.
