హైదరాబాద్ : మున్సిపల్ శాఖ మంత్రి కల్వకుంట్ల తారక రామారావు మామ హరినాధ్ రావు మృతికి మంత్రి తలసాని శ్రీనివాస్ యాదవ్ నివాళులు అర్పించారు. రాయదుర్గం లోని వారి నివాసానికి వెళ్లి హరినాధ రావు పార్ధీవ దేహం పై పూలమాలలు వేసి నివాళులర్పించారు. అనంతరం మంత్రి KTR, ఇతర కుటుంబ సభ్యులను పరామర్శించారు.
రేవంత్ రెడ్డి
రాష్ట్ర మంత్రి, టిఆర్ఎస్ వర్కింగ్ ప్రసిడెంట్ కల్వకుంట్ల తారక రామారావు మామా పాకాల హరనాథ్ రావ్ ఆకస్మిక మృతి పట్ల టీపీసీసీ అధ్యక్షులు రేవంత్ రెడ్డి ప్రగాఢ సంతాపం… హరనాథ్ రావ్ ఆత్మకు శాంతి చేకూరాలని ప్రార్థిస్తున్నా.. కేటీఆర్ కంటుంబానికి నా ప్రగాఢ సానుభూతి.
వద్దిరాజు రవిచంద్ర
ముఖ్యమంత్రి కే. చంద్రశేఖర రావు వియ్యంకుడు, మంత్రి కే. టీ. రామారావు మామ పాకాల హరినాథరావు అకాల మృతి మృతి పట్ల రాజ్యసభ సభ్యులు వద్దిరాజు రవిచంద్ర తీవ్ర సంతాపం వ్యక్తం చేశారు. నగరంలోని మహాప్రస్థానంలో ఆయన పార్థివదేహాన్ని సందర్శించి పూలదండ వేసి ఘన నివాళులర్పించారు, అంత్యక్రియలలో పాల్గొన్నారు. శోకతప్తులైన కే.టీ.రామారావు,ఆయన కుమారుడు హిమాన్షు, హరినాథరావు కుమారులు రాజు, శైలేందర్, కుటుంబ సభ్యులు, బంధుమిత్రులను ఎంపీ రవిచంద్ర పరామర్శించి తన ప్రగాఢ సానుభూతి తెలిపారు. హరినాథరావు పవిత్ర ఆత్మకు శాంతి చేకూరాలని భగవంతున్ని ప్రార్థించారు.
సింగిరెడ్డి నిరంజన్ రెడ్డి
ముఖ్యమంత్రి కేసీఆర్ వియ్యంకుడు, మున్సిపల్, ఐటీ, పరిశ్రమల శాఖా మంత్రి కేటీఆర్ మామ హరినాధ్ రావు గారి మృతి పట్ల రాష్ట్ర వ్యవసాయ శాఖా మంత్రి సింగిరెడ్డి నిరంజన్ రెడ్డి గారు సంతాపం ప్రకటించారు. వారి ఆత్మకు శాంతి చేకూరాలని, వారి కుటుంబ సభ్యులకు మనోధైర్యం ప్రసాదించాలని భగవంతుని ప్రార్థించారు.
ఎర్రబెల్లి దయాకర్ రావు
రాష్ట్ర ముఖ్యమంత్రి శ్రీ కేసిఆర్ గారి వియ్యంకులు, భారత రాష్ట్ర సమితి పార్టీ వర్కింగ్ ప్రెసిడెంట్, రాష్ట్ర పురపాలక, ఐటి, పరిశ్రమల శాఖామాత్యులు శ్రీ కేటిఆర్ గారి మామ పాకాల హరినాథరావు (74) గారు గుండెపోటుతో ఆకస్మికంగా మరణించడంతో నేడు హైదరాబాద్, రాయదుర్గంలోని వారి నివాసానికి వెళ్లి రాష్ట్ర పంచాయతీరాజ్, గ్రామీణాభివృద్ధి మరియు గ్రామీణ నీటి సరఫరా శాఖల మంత్రి శ్రీ ఎర్రబెల్లి దయాకర్ రావు గారు పరామర్శించారు. ఆయన మృతి పట్ల సంతాపం తెలిపారు.
కుటుంబానికి సానుభూతి వ్యక్తం చేశారు. మంత్రి కేటిఆర్ గారికి ధైర్యం చెప్పారు. హరినాథరావు గారి ఆత్మ శాంతించాలని భగవంతున్ని ప్రార్థించారు.
గుత్తా సుఖేందర్ రెడ్డి
రాష్ట్ర ముఖ్యమంత్రివర్యులు శ్రీ కేసీఆర్ గారి వియ్యంకుడు, మున్సిపల్, ఐటీ, పరిశ్రమల శాఖా మంత్రివర్యులు కేటీఆర్ గారి మామ హరినాధ్ రావు గారి మృతి పట్ల సంతాపం వ్యక్తం చేసిన తెలంగాణ శాసన మండలి ఛైర్మన్ గుత్తా సుఖేందర్ రెడ్డి గారు .హరినాధ్ రావు గారి ఆత్మకు శాంతి చేకూరాలని ప్రార్ధిస్తూ, వారి కుటుంబ సభ్యులకు తన ప్రగాఢ సానుభూతిని గుత్తా సుఖేందర్ రెడ్డి గారు తెలిపారు.
