Hyderabad: ఎయిరిండియా ఎక్స్‌ప్రెస్ విమానం కార్గో హోల్డ్‌లో సిబ్బంది పామును గుర్తించారు. ఎయిరిండియా ఎక్స్‌ప్రెస్ విమానం విమానం కేరళలోని కాలికట్ నుంచి దుబాయ్ ఎయిర్‌పోర్ట్‌లో శనివారం ల్యాండయ్యాక ఈ పామును గుర్తించినట్టు డీజీసీఏ అధికారులు వెల్లడించారు.
పాము విమానంలోకి ఎలా ప్రవేశించిదనేదానిపై దర్యాప్తు జరుపుతున్నట్టు సీనియర్ అధికారి ఒకరు వెల్లడించారు. బీ737-800 విమానం కేరళలోని కాలికట్ నుంచి దుబాయ్ వెళ్లిందని, ప్రయాణికులు అందరూ సురక్షితంగా దిగారని చెప్పారు. దుబాయ్ ఎయిర్‌పోర్టులో పాముని గుర్తించాక ఎయిర్‌పోర్ట్ ఫైర్ సర్వీసెస్‌కు సమాచారం అందించారని అధికారి తెలిపారు.
ఇది గ్రౌండ్ నిర్వహణా లోపమని, ఈ ఘటనపై దర్యాప్తు జరపాల్సి ఉందని, తగిన చర్యలు తీసుకోవాల్సి ఉందని సదరు అధికారి పేర్కొంది. కాగా ఈ ఘటనపై ఎయిరిండియా ఎక్స్‌ప్రెస్ అధికారి స్పందించలేదు. (Agencies)
