लोकप्रिय निर्देशक के विश्वनाथ के निधन से फिल्म और राजनीतिक क्षेत्र की हस्तियों का गहरा शोक

हैदराबाद: लोकप्रिय निर्देशक और कलातपस्वी के. विश्वनाथ का निधन हो गया। वह पिछले कुछ दिनों से बीमार चल रहे थे और गुरुवार की रात उन्होंने अंतिम सांस ली। इससे टॉलीवुड में मातम छा गया हैई। कई फिल्मी कलाकार और नेता के. विश्वनाथ के निधन पर शोक व्यक्त कर रहे हैं।

के विश्वनाथ कीर्ति अजरामरम: सीएम केसीआर

तेलंगाना के मुख्यमंत्री केसीआर ने प्रसिद्ध निर्देशक कलातपस्वी और पद्म श्री के विश्वनाथ के निधन पर शोक व्यक्त किया। के. विश्वनाथ को एक दुर्लभ निर्देशक के रूप में जाने जाते हैं। विश्वनाथ ने सबसे साधारण कहानी को चुना और अपनी अद्भुत प्रतिभा के साथ इसे पर्दे पर उतारा है। इस अवसर पर मुख्यमंत्री ने के विश्वनाथ के स्वास्थ्य ठीक न होने पर उनके घर जाने पर फिल्मों, संगीत और साहित्य पर उनके बीच हुई चर्चा को याद किया। सीएम केसीआर ने कहा कि उनकी फिल्मों में भारतीय सामाजिक संस्कृति के पारंपरिक मूल्यों को महत्व दिया गया है।

फिल्म उद्योग की भारी क्षति: वाईएस जगन मोहन रेड्डी

आंध्र प्रदेश के मुख्यमंत्री वाईएस जगनमोहन रेड्डी ने के विश्वनाथ के निधन पर गहरा दुख व्यक्त किया। उन्होंने कहा कि के. विश्वनाथ का निधन तेलुगु फिल्म उद्योग के लिए एक बड़ी क्षति है। विश्वनाथ तेलुगु संस्कृति और भारतीय कलाओं के लिए एक दर्पण हैं। उनके निर्देशन में बनी फिल्मों ने तेलुगु फिल्म उद्योग को अद्वितीय सम्मान दिलाया है। उन्होंने ट्वीट किया कि वह एक कलाकार के रूप में हमेशा तेलुगु लोगों के दिलों में रहेंगे।

इनके अलावा तेलंगाना के मंत्री तलसानी श्रीनिवास यादव, सिंगरेड्डी निरंजन रेड्डी, पुव्वाडा अजय कुमार और सत्यवती राठौड़ ने निर्देशक के. विश्वनाथ के निधन पर शोक व्यक्त किया है। विश्वनाथ का निधन तेलुगु फिल्म उद्योग के लिए एक क्षति है।

संबंधित खबर :

प्रसिद्ध फिल्म निर्देशक और कलातपस्वी के विश्वनाथ का निधन

పంజాగుట్ట స్మశానవాటికలో ఆయన అంత్యక్రియలు

హైదరాబాద్ : లెజెండ్రీ డైరెక్టర్ కె.విశ్వనాథ్ (93)​ఇవాళ కన్నుమూశారు. కొన్నిరోజులుగా అనారోగ్యంతో బాధపడుతున్న ఆయన గురువారం రాత్రి హైదరాబాద్​లోని అపోలో ఆస్పత్రిలో చికిత్స పొందుతూ తుదిశ్వాస విడిచారు. 11:30 గంటలకు పంజాగుట్ట స్మశానవాటికలో ఆయన అంత్యక్రియలు జరగనున్నాయి.  కె.విశ్వనాథ్ మృతితో టాలీవుడ్‌లో విషాదం నెలకొంది. పలువురు సినీ నటులు, రాజకీయ నాయకలు సంతాపం తెలియజేస్తున్నారు. 

1966లో ఆత్మగౌరవం సినిమాతో దర్శకుడిగా పరిచయమైన విశ్వనాథ్​.. సిరిసిరిమువ్వ, సాగర సంగమం, శంకరాభరణం, స్వాతికిరణం, సప్తపది, ఆపద్బాంధవుడు వంటి ఎన్నో ఆణిముత్యాలను అందించారు. ఆయన ప్రతి సినిమాలో సంస్కృతి సంప్రదాయాలకు, కళలకు పెద్దపీట వేశారు. ఎన్నో చిత్రాల్లో నటించారు.

గవర్నర్‌ తమిళిసై తీవ్ర దిగ్భ్రాంతి

కళాతపస్వి కే. విశ్వనాథ్‌ మరణం తీవ్ర దిగ్భ్రాంతికి గురిచేసిందని గవర్నర్‌ తమిళిసై సౌందరరాజన్‌ అన్నారు. భారతీయ సినిమా ఒక జీనియస్‌ను కోల్పోయిందని చెప్పారు. ఆయన దర్శకత్వంలో వచ్చిన శంకరాభరణం, స్వాతిముత్యం, సాగర సంగమం వంటి క్లాసిక్‌ చిత్రాలు రానున్న తరాలకు స్ఫూర్తిగా నిలుస్తాయని తెలిపారు. దర్శక రుషి కళ చిరస్థాయిగా నిలిచిపోతుందున్నారు. ఈమేరకు గవర్నర్‌ తమిళిసై ట్వీట్‌ చేశారు.

కె. విశ్వనాథ్‌ కీర్తి అజరామరం : సీఎం కేసీఆర్‌

ప్రముఖ దర్శకుడు కళా తపస్వి, పద్మశ్రీ కే విశ్వనాథ్‌ మృతిపట్ల తెలంగాణ సీఎం కేసీఆర్‌ సంతాపం తెలిపారు. అతి సామాన్యమైన కథను ఎంచుకొని తన అద్భుతమైన ప్రతిభతో వెండితెర దృశ్య కావ్యాలుగా మలిచిన అరుదైన దర్శకుడు కె. విశ్వనాథ్‌ అని కొనియాడారు. గతంలో  కె.విశ్వనాథ్‌ ఆరోగ్యం బాగాలేనప్పుడు వారి ఇంటికి వెళ్లి పరామర్శించిన సమయంలో సినిమాలు, సంగీతం, సాహిత్యంపై తమ మధ్య జరిగిన చర్చను సీఎం ఈ సందర్భంగా గుర్తుచేసుకొన్నారు. భారతీయ సామాజిక సంస్కృతి సంప్రదాయ విలువలకు తన సినిమాలో పెద్దపీట వేశారని సీఎం కేసీఆర్ చెప్పారు. 

సినీ రంగానికి తీరని లోటు : వైఎస్ జగన్ 

కె.విశ్వనాథ్‌ మరణం తెలుగు సినీ రంగానికి తీరని లోటు అని ఆంధ్రప్రదేశ్ ముఖ్యమంత్రి వైఎస్‌ జగన్‌మోహన్‌రెడ్డి తీవ్ర దిగ్భ్రాంతి వ్యక్తం చేశారు. ‘తెలుగు సంస్కృతికి, భారతీయ కళలకు నిలువుటద్దం విశ్వనాథ్‌ గారు. ఆయన దర్శకత్వంలో రూపుదిద్దుకున్న చిత్రాలు తెలుగు సినీరంగానికి అసమాన గౌరవాన్ని తెచ్చాయి. తెలుగువారి గుండెల్లో కళాతపస్విగా శాశ్వతంగా నిలిచిపోతారు’ అంటూ ట్వీట్ చేశారు. 

సంగీత, సాహిత్యాలను ప్రధాన ఇతివృత్తంగా మానవ సబంధాల నడుమ నిత్యం తలెత్తే వైరుధ్యాలను అత్యంత సృజనాత్మకంగా, సున్నితంగా, దృశ్యమానం చేసిన గొప్ప భారతీయ దర్శకుడు కె. విశ్వనాథ్‌ అని అన్నారు. దాదాసాహెబ్‌ ఫాల్కే, రఘుపతి వెంకయ్య వంటి అనేక ప్రతిష్ఠాత్మక అవార్డులు ఆయన దర్శక ప్రతిభకు కలికితురాయిగా నిలిచాయని చెప్పారు. 

చంద్రబాబు నాయుడు, లోకేష్ దిగ్భ్రాంతి

ప్రముఖ సినీ దర్శకులు, కళాతపస్వి కె. విశ్వనాథ్ కన్నుమూత పై టీడీపీ అధినేత చంద్రబాబు నాయుడు , పార్టీ జాతీయ ప్రధాన కార్యదర్శి లోకేష్ దిగ్భ్రాంతి వ్యక్తం చేశారు. కళాఖండాలుగా నిలిచిన అనేక చిత్రాలను అందించిన విశ్వనాథ్ మృతి తనను తీవ్రంగా కలచివేసిందని చంద్రబాబు అన్నారు. ఆయన మృతి సినీ ప్రపంచానికి తీరని లోటన్నారు. విశ్వనాథ్ ఆత్మకు శాంతి చేకూరాలని దేవుడిని ప్రార్థిస్తున్నట్లు తెలిపారు. ఆయన కుటుంబ సభ్యులకు చంద్రబాబు ప్రగాఢ సానుభూతిని తెలియజేశారు

రేవంత్ రెడ్డి సంతాపం.

కళాతపస్వి,. ప్రముఖ చలనచిత్ర దర్శకులు కే.విశ్వనాథ్ మృతి పట్ల టీపీసీసీ అధ్యక్షులు ఎంపీ రేవంత్ రెడ్డి ప్రగాఢ సంతాపం. తెలుగు చలనచిత్ర రంగానికి ప్రత్యేక గుర్తింపు తెచ్చిన కే.విశ్వనాథ్ మృతి చలనచిత్ర రంగానికి తీరని.లోటు. శంకరాభరణం చిత్రంతో చిత్ర రంగం ఖ్యాతిని విశ్వవ్యాప్తం చేసిన మహా గొప్ప నటుడు, దర్శకులు కే. విశ్వనాథ్. ఆయన మరణంతో చిత్రరంగం చిన్నబోయింది. ఆయన ఆత్మకు భగవంతుడు శాంతి కలగజేయలని ప్రార్థిస్తున్నా.

తెలంగాణ మంత్రుల సంతాపం

దర్శకుడు కె.విశ్వనాథ్ మరణం పట్ల తెలంగాణ మంత్రులు తలసాని శ్రీనివాస్‌ యాదవ్‌, సింగిరెడ్డి నిరంజన్‌రెడ్డి, పువ్వాడ అజయ్‌, సత్యవతి రాథోడ్ దిగ్భ్రాంతి వ్యక్తం చేశారు. విశ్వనాథ్‌ మరణం తెలుగు చిత్ర పరిశ్రమకు తీరనిలోటన్నారు. ఈ సమయంలో వారి కుటుంబ సభ్యులకు ధైర్యం అందించాలని మంత్రులు ఆకాక్షించారు.

మంత్రి ఇంద్రకరణ్ రెడ్డి తీవ్ర సంతాపం

రముఖ సినీ దర్శకుడు, కళాతపస్వి కె. విశ్వనాథ్ మరణం పట్ల అటవీ, పర్యావరణ, న్యాయ, దేవాదాయ శాఖ మంత్రి ఇంద్రకరణ్ రెడ్డి తీవ్ర సంతాపం వ్యక్తం చేశారు. ఆయన మహాభినిష్క్రమణం తెలుగు సినీ రంగానికి తీరని లోటని అన్నారు. భారతీయ, తెలుగు సంస్కృతికి చిహ్నమైన శాస్త్రీయ కళలను కథలుగా ఎన్నో అద్భుత సినిమాలు చేశారని కొనియాడారు. ఆయన చేసిన సినిమాలు తెలుగు చలనచిత్ర రంగానికి ఎనలేని ప్రతిష్టను తెచ్చాయని పేర్కొన్నారు. విశ్వనాధ్ కుటుంబ సభ్యులకు సానుభూతిని తెలిపారు.

బండి సంజయ్ కుమార్ తీవ్ర సంతాపం

ప్రముఖ సినీ దర్శక దిగ్గజం, కళాతపస్వి, దాదాసాహెబ్ ఫాల్కే అవార్డ్ గ్రహీత, పద్మశ్రీ కె. విశ్వనాథ్ మరణం పట్ల బీజేపీ రాష్ట్ర అధ్యక్షులు,ఎంపీ శ్రీ బండి సంజయ్ కుమార్ తీవ్ర సంతాపం తెలిపారు.

సంస్కృతీ సంప్రదాయ విలువలకు, సంగీతానికి పెద్దపీట వేస్తూ తెలుగు సినిమా ఔన్నత్యాన్ని ప్రపంచానికి చాటిన గొప్ప వ్యక్తి విశ్వనాథ్ అని కొనియాడారు. ఆయన మరణం సినీ ఇండస్ట్రీకి తీరని లోటని పేర్కొన్నారు.

మంత్రి సింగిరెడ్డి నిరంజన్ రెడ్డి సంతాపం

ప్రముఖ దర్శకులు, కళాతపస్వి కె. విశ్వనాథ్ గారి మరణం పట్ల రాష్ట్ర వ్యవసాయ శాఖా మంత్రి సింగిరెడ్డి నిరంజన్ రెడ్డి గారు దిగ్భ్రాంతి వ్యక్తం చేశారు. వారి మరణం తెలుగు సినిమా పరిశ్రమకు తీరనిలోటని, వారి ఆత్మకు శాంతి చేకూరాలని భగవంతుని ప్రార్థించారు. వారి కుటుంబ సభ్యులకు మనో ధైర్యం ప్రసాదించాలని ఆకాంక్షించారు.

బోయినపల్లి వినోద్ కుమార్ దిగ్భ్రాంతి

ప్రముఖ సినీ దర్శకులు, కళా తపస్వి విశ్వనాథ్ మృతి పట్ల బోయినపల్లి వినోద్ కుమార్ దిగ్భ్రాంతి తెలుగు సినిమా పరిశ్రమ ప్రముఖ దర్శకులు, బహుముఖ ప్రజ్ఞాశాలి, కళా తపస్వి కే. విశ్వనాథ్ మృతి చెందడం పట్ల రాష్ట్ర ప్రణాళికా సంఘం వైస్ చైర్మన్ బోయినపల్లి వినోద్ కుమార్ దిగ్భ్రాంతి వ్యక్తం చేశారు. సినీ కళామతల్లి ముద్దుబిడ్డ, అనేక చారిత్రాత్మమైన, సమాజానికి సందేశాత్మక చిత్రాలను అందించిన దర్శకులు విశ్వనాథ్ మన మధ్య ఇక లేరంటే జీర్ణించుకోవడం కష్టమని వినోద్ కుమార్ పేర్కొన్నారు. విశ్వనాథ్ మరణం యావత్ చలనచిత్ర పరిశ్రమకు తీరని లోటు అని వినోద్ కుమార్ అన్నారు. విశ్వనాథ్ మృతి పట్ల సంతాపం వ్యక్తం చేస్తూ… వారి కుటుంబ సభ్యులకు వినోద్ కుమార్ ప్రగాఢ సానుభూతిని తెలిపారు.

జీవన్ రెడ్డి సంతాపం

ప్రముఖదర్శకులు,కళాతపస్వి కె.విశ్వనాథ్ గారి మరణం పట్ల ఆర్మూర్ ఎమ్మెల్యే&పీయూసీ ఛైర్మన్, నిజామాబాద్ జిల్లా బిఆర్ఎస్ పార్టీ అధ్యక్షులు ఆశన్నగారి జీవన్ రెడ్డి గారు దిగ్భ్రాంతి వ్యక్తం చేశారు.వారి మరణం తెలుగు సినిమా పరిశ్రమకు తీరనిలోటని, వారి ఆత్మకు శాంతి చేకూరాలని భగవంతుని ప్రార్థించారు.వారి కుటుంబ సభ్యులకు మనో ధైర్యం ప్రసాదించాలని ఆకాంక్షించారు.

మంత్రి సత్యవతి రాథోడ్ సంతాపం

టాలీవుడ్‌ ప్రముఖ దర్శకుడు, కళా తపస్వి కె విశ్వనాథ్ మృతి పట్ల రాష్ట్ర గిరిజన, స్త్రీ – శిశు సంక్షేమ శాఖల మంత్రివర్యులు శ్రీమతి సత్యవతి రాథోడ్ గారు సంతాపం వ్యక్తం చేశారు. భారతీయ సినీపరిశ్రమలో టాలీవుడ్ పేరు వినబడేలా చేసిన దర్శకుల్లో కె విశ్వనాథ్ ఒకరని అన్నారు. భారతీయ సంస్కృతికి చిహ్నమైన శాస్త్రీయ కళలను తన కథలుగా మలుచుకొని, అద్భుతమైన చిత్ర కావ్యాలను తెరకెక్కించి, కళాతపస్వి అనిపించుకున్నారని మంత్రి కొనియాడారు. దర్శకుడు విశ్వనాథ్ గారి మృతి తెలుగు సినీరంగానికి తీరని లోటని అన్నారు. విశ్వనాథ్‌గారి ఆత్మకు శాంతి చేకూరాలని ఆ భగవంతుని ప్రార్థించారు. వారి కుటుంబ సభ్యులకు మంత్రి తన ప్రగాఢ సానుభూతిని తెలియజేశారు.

మంత్రి కొప్పుల ఈశ్వర్ గారు సంతాపం

కళాతపస్వి, దర్శకులు, కె. విశ్వనాథ్ గారి మృతి పట్ల మంత్రి కొప్పుల ఈశ్వర్ గారు సంతాపం వ్యక్తం చేశారు. నరుడి బతుకు నటన..
ఈశ్వరుడి తలపు ఘటన..
ఆ రెంటి నట్టనడుమ నీకెందుకింత తపన !!

వెండి తెరకు కళాతపస్వి, కళల కోసం తపించే, K.విశ్వనాథ్ గారు లేరనే వార్త సంక్షేమ శాఖ మంత్రి కొప్పుల ఈశ్వర్ గారిని చాలా కలిచివేసిందని, వారు విశ్వనాథ్ గారి అభిమానిని, వారి పవిత్రాత్మకు శాంతి చేకూరాలని, ఈశ్వరుడు సద్గతి ప్రసాదించాలని ప్రార్థిస్తూ, భగవంతుడు వారి కుటుంబ సభ్యులకు మనోధైర్యం. ప్రసాదించాలని మంత్రి కోరుకున్నారు..

కళా తపస్వి విశ్వనాథ్ మృతి పట్ల మంత్రి ఎర్రబెల్లి సంతాపం

సినీ దిగ్గజం, కళా తపస్వి, ప్రముఖ దర్శకుడు, పద్మశ్రీ కాశీ విశ్వనాథ్ మరణం పట్ల రాష్ట్ర పంచాయతీరాజ్, గ్రామీణాభివృద్ధి మరియు గ్రామీణ నీటి సరఫరా శాఖల మంత్రి శ్రీ ఎర్రబెల్లి దయాకర్ రావు గారు సంతాపం తెలిపారు. తెలుగు సంస్కృతి, సంప్రదాయాలు ఉట్టి పడేలా, సంగీత, సాహిత్యాలు ఇతివృత్తంగా ఆయన అందించిన సినిమాలు అత్యంత ఉత్తమమైనవి అని గుర్తు చేసుకున్నారు. విశ్వనాథ్ గారి సినిమాలతో తెలుగు సినిమా ఖ్యాతి ప్రపంచ స్థాయికి వెళ్లిందని, జాతీయ, అంతర్జాతీయ స్థాయిలో అనేక పురస్కారాలు పొంది తెలుగువారి గొప్పతనాన్ని దశదిశలా చాటింది అన్నారు. ఆయన సినిమా రంగానికి చేసిన కృషికి పద్మశ్రీ, దాదాసాహెబ్ ఫాల్కే , రఘుపతి వెంకయ్య, 10 ఫిల్మ్ ఫేర్, నంది వంటి అనేక ప్రతిష్టాత్మక అవార్డులు.

మంత్రి హరీశ్ రావు సంతాపం

తెలుగుదనాన్ని, సంస్కృతి, సాంప్రదాయాలను అణువణువునా ప్రతిబింబించేలా అద్భుతమైన సినిమాలు అందించిన కళాతపస్వి, ప్రముఖ దర్శకులు కె.విశ్వనాథ్ గారి మృతి బాధాకరం అని రాష్ట్ర ఆర్థిక వైద్య ఆరోగ్య శాఖ మంత్రి హరీశ్ రావు తన సంతాపం వ్యక్తం చేశారు. వారి కుటుంబానికి ప్రగాఢ సానుభూతిని తెలియజేశారు. విశ్వనాథ్ గారిని కోల్పోవడం తెలుగు ప్రేక్షకులకి, సినీ పరిశ్రమకు తీరని లోటు అన్నారు. చిత్ర పరిశ్రమలో అత్యంత ప్రతిష్టాత్మకంగా భావించే దాదా సాహెబ్ ఫాల్కే అవార్డు అందుకున్న విశ్వనాథ్ గారు, తెలుగు సినిమాల గొప్పతనాన్ని అంతర్ జాతీయ వేదికలపైకి చేర్చారని కొనియాడారు. తెలుగు సినిమా ఉన్నంత వరకు ఆయన పేరు చిరస్థాయిగా నిలిచి ఉంటుందని పేర్కొన్నారు.

ఎమ్మెల్సీ కల్వకుంట్ల కవిత సంతాపం

భారతదేశ సినీ పరిశ్రమలో తెలుగువారి పేరు చిరస్థాయిలో నిలిచిపోయేలా చేసిన ప్రముఖ దర్శకుడు కళా తపస్వి, పద్మశ్రీ కే. విశ్వనాథ్ గారి మరణం తీరని లోటు. ఎన్నో మరపురాని చిత్రాలను, అనేక సందేశాత్మక చిత్రాలను రూపొందించిన గొప్ప దర్శకులు విశ్వనాథ్. విశ్వనాథ్ గారి ఆత్మకు శాంతి చేకూరాలని భగవంతున్ని ప్రార్థిస్తూ, వారి కుటుంబ సభ్యులకు ప్రగాఢ సానుభూతిని తెలియజేస్తున్నాను.

కళాతపస్వికి అక్షర నీరాజనం..

ఆ సినిమాలు సంస్కృతికి నిలువెత్తు రూపం
సంగీతానికి సప్త స్వరాల సమాహార సర్వస్వం
కళలకు ఉన్నత విలువలు చేకూర్చిన దర్శకత్వం
కళామతల్లికి స్వరాభిషేకం అర్పించిన ఘనుడు..

అద్భుత కళాఖండాలకు రూపకల్పన చేసిన తపస్వి
సినీ జగత్తుకు స్వర్ణకమలమై వికసించే
స్వరరాజ గంధర్వమై అమృతం కురిపించి
సంగీత సాహిత్యాల సమ్మేళనం నిర్మాణం గావించె..

సాహిత్య మాధుర్యాన్ని సమపాలలో పంచి
ఉన్నత విలువలతో సినిమా నిర్మాణం గావించి
భారతీయ సంస్కృతికి అద్దం పట్టిన చిత్రాలతో
సినిమా ప్రపంచానికి ఎలుగెత్తి చాటిన వైభవం అతనిదే..

శంకరాభరణం ఒక సంచలనం అయితే
తీసిన ప్రతి చిత్రం సకల కళల సమాహార నిలయం
సినీ జగత్తులో ఒక స్వాతిముత్యంలా వెలుగొంది
ఆపద్బాంధవుడై సినీ ప్రపంచంలో వికసించే..

ఆత్మగౌరవముతో మొదలైన సినీ ప్రస్థానం
ప్రతి చిత్రములోనూ ఆత్మ గౌరవంతోనే విరాజిల్లే
దర్శకత్వ విలువలకు దార్శనికుడై నిలిచే
అగ్ర హీరోల్లో తానే అగ్రజుడై ముందు నడిచే…

స్వయంకృషితో ఎదిగి సిరి వెన్నెల కురిపించే
సాగర సంగమంతో విశ్వరూపం ప్రదర్శించే
తెలుగు తెరపై కళాతపస్వి సుస్థిర నామం స్థిరపరిచే
కథానాయకులకే ఒక సజీవ పాత్రను సృష్టించే..

అవార్డులకు వన్నెతెచ్చిన మహోన్నతుడు
పద్మశ్రీ తో వికసించిన కమల బాంధవుడు
దాదా సాహెబ్ అవార్డుకు అర్హుడైన యశస్వి
వరించిన ప్రతి అవార్డుకు వన్నెతెచ్చిన నిగర్వి…

ఆయన మరణం సినీ జగత్తుకు హృదయ విదారకం
సినీ దిగ్గజం నేలకొరిగి ప్రతి హృదయం చెల్లించే
కళాతపస్వికి అక్షర నీరాజన కుసుమాల మాలికతో
శ్రద్ధాంజలి ఘటిస్తూ అక్షర నివాళి సమర్పిస్తున్నాను..

కొప్పుల ప్రసాద్
నంద్యాల
9885066235

కళాతపస్వీ కె.విశ్వనాథ్ మరణంతో టాలీవుడ్‌లో విషాద ఛాయలు అలుముకున్నాయి. ఆయన మరణ వార్త తెలిసిన ఎంతోమంది ప్రముఖులు ఆయన మరణానికి సంతాపం తెలియజేస్తున్నారు. సినీ పరిశ్రమకు ఆయన చేసిన సేవ ఎప్పటికీ మరచిపోలేమని, ఆయన ఆత్మకు శాంతి చేకూరాలని, ఆయన కుటుంబానికి సానుభూతిని తెలియజేస్తున్నారు.

దిగ్గజ దర్శకుడు, కళాతపస్వి కే.విశ్వనాథ్ కన్నుమూతపై మెగాస్టార్ చిరంజీవి భావోద్వేగంగా స్పందించారు. ట్విటర్ వేదికగా స్పందించారు. వ్యక్తిగతంగా ఆయనతో ఉన్నది గురుశిష్యుల సంబంధమని, అంతకుమించి తండ్రీ కొడుకుల అనుబంధమంటూ ఒక్క మాట ద్వారా ఇద్దరి అనుబంధాన్ని వెల్లడించారు. ఆయన దర్శకత్వంలో ‘శుభలేఖ’, ‘స్వయంకృషి’, ‘ఆపద్భాంధవుడు’ అనే మూడు చిత్రాల్లో నటించే అవకాశం దక్కిందని గుర్తుచేసుకున్నారు.

కే.విశ్వనాథ్‌పై చిరంజీవి ట్వీట్

‘‘ఇది అత్యంత విషాదకరమైన రోజు. పతృ సమానులు కళాతపస్వి కే.విశ్వనాథ్ గారు ఇక లేరు అనే వార్త దిగ్భ్రాంతికి గురిచేసింది. ఆయన గొప్పతనం గురించి చెప్పటానికి మాటలు చాలవు. పండితులని పామరులనీ కూడా ఒకేలా మురిపించే ఆయన చిత్రాల శైలి విశిష్టమైంది. ఆయనలా సున్నితమైన ఆర్ట్ ఫిలిమ్స్‌ని కూడా బ్లాక్ బస్టర్ హిట్స్‌గా మలిచిన దర్శకుడు బహుశా ఇంకొకరు లేరు. తెలుగుజాతి ఖ్యాతిని తన సినిమాల ద్వారా ప్రపంచ స్థాయికి తీసికెళ్లిన మహా దర్శకుడు ఆయన.

ఆయన దర్శకత్వంలో ‘శుభలేఖ’, ‘స్వయంకృషి’, ‘ఆపద్భాంధవుడు’ అనే మూడు చిత్రాల్లో నటించే అవకాశం నాకు లభించింది. నాకు వ్యక్తిగతంగా ఆయనతో ఉన్నది గురుశిష్యుల సంబంధం. అంతకుమించి తండ్రీ కొడుకుల అనుబంధం. ఆయనతో గడిచిన సమయం నాకు అత్యంత విలువైనది. ప్రతి నటుడికీ ఆయనతో పని చేయటం ఒక ఎడ్యుకేషన్ లాంటిది. ఆయన చిత్రాలు భావిదర్శకులకి ఒక గైడ్ లాంటివి. 43 సంవత్సరాల క్రితం ఆ మహానీయుడి ఐకానిక్ చిత్ర ‘శంకరాభరణం’ విడుదలైన రోజునే బహుశా ఆ శంకరుడికి ఆభరణంగా, ఆయన కైలాసానికి ఏతెంచారు.

న చిత్రాలు, ఆయన చిత్రాల సంగీతం, ఆయన కీర్తి అజరామరమైనవి. ఆయన లేని లోటు భారతీయ చిత్ర పరిశ్రమకి, తెలుగువారికి ఎప్పటికీ తీరనిది. ఆయన ఆత్మకి శాంతి చేకూరాలని ప్రార్థిస్తూ ఆయన కుటుంబ సభ్యులందరికీ, అసంఖ్యాకమైన ఆయన అభిమానులందరికీ నా ప్రగాఢ సానుభూతి తెలియజేసుకుంటున్నాను.’’

—–

కళాతపస్వీ స్వర్గస్తులైనందుకు మనస్ఫూర్తిగా వారి కుటుంబానికి నా ప్రగాఢ సానుభూతి తెలియజేస్తున్నాను. నాకు సినిమాలంటే తెలియని సమయంలో పాశ్చాత్య పాటలను ఇష్టపడే నాకు మన శాస్త్రీయ సంగీత పెరిగేలా చేశారు. యాక్షన్ సినిమాలంటే ఇష్టపడే నా దృక్పథాన్ని శంకరాభరణం మార్చేసింది.

– పవన్ కల్యాణ్

‘విశ్వనాథ్ గారు ప్రతి సినిమా చివరిలో కళా కొనసాగుతూనే ఉంటుందంటారు. అలాగే ఆయన మరణం కూడా ముగింపు కాదు. ఆయన తాలుకు కళా వారసత్వానికి కొనసాగింపని అనుకుంటున్నాను. ఆయన ఆత్మకి శాంతి చేకూరాలి. వారి కుటుంబానికి నా ప్రగాఢ సానుభూతి’

– త్రివిక్రమ్ శ్రీనివాస్

గ్రెటేస్ట్ కె. విశ్వనాథ్ గారు.

‘బాక్సాఫీస్ కంటే సినిమా ఎక్కువ.

తారలకంటే సినిమా ఎక్కువ.

వ్యక్తుల కంటే సినిమా ఎక్కువ.

ఇది నేర్పింది ఎవరో తెలుసా?

గ్రెటేస్ట్ కె. విశ్వనాథ్ గారు.

మీ రుణం.. వీడుకోలు’

– నాని

‘లెజెండరీ దర్శకుడు కె.విశ్వనాథ్‌ మృతి నన్ను తీవ్రంగా కలిచి వేసింది. సినిమాపై ఆయనకున్న ప్యాషన్‌, కథను చెప్పే విధానం, పని పట్ల నిబద్ధత నాలాంటి ఎంతోమంది సినీ దర్శకులకు స్ఫూర్తి’.

– క్రిష్

‘జీవిత పరమార్థాన్ని, కళ సజీవమైనదని పూర్తి అర్థం చేసుకున్న గొప్ప వ్యక్తి కళాతపస్వి కె.విశ్వనాథ్‌గారు. ఆయన చేసిన కళాసేవ ఎప్పటికీ అజరామరం. ఆయన తదనంతరం కూడా అది బతికే ఉంటుంది’ (ఏజెన్సీలు)

– కమల్ హాసన్